Yaponiya gəmiləri ABŞ-ın zərbə aviadaşıyıcı qrupu ilə birləşib

438

Sakit okeanda Yaponiya Özünümüdafiə Dəniz Qüvvələrinin ABŞ-ın “Karl Vinson” atom aviadaşıyıcı gəmisi ilə birgə təlimləri başlayıb. Bu barədə Yaponiya Özünümüdafiə Qüvvələrinin komandanlığı məlumat yayıb. Qeyd edilir ki, Yaponiya gəmiləri ABŞ-ın zərbə aviadaşıyıcı qrupu ilə Sakit okeanın qərb hissəsində, Filippin yaxınlığında birləşib. Məlumata görə, onlar bir neçə gün ərzində bütün növ taktiki hərəkətlər üzərində işləyəcəklər. Bundan sonra ABŞ-ın zərbə aviadaşıyıcı qrupu Koreya yarımadasına istiqamət alacaq. Buna səbəb Şimali Koreyanın beynəlxalq ictimaiyyətə məhəl qoymadan nüvə və raket sınaqları keçirməsidir.