Vətənə xidmət, vicdan, şərəf, ləyaqət borcumuzdur!

0
415

Mən gənclərin rolunu həmişə çox yüksək qiymətləndirmişəm. Bu gün də Azərbaycan gəncləri ölkəmizin uğurlu inkişafında öz fəal rolunu oynayırlar. Deyə bilərəm ki, gənclər cəmiyyətimizin ən fəal təbəqəsidir və bu gün gənclərə geniş imkanlar yaradılır. Gənclər önəmli vəzifələrə təyin olunur: nazir, icra başçısı vəzifələrinə. Eyni zamanda, Milli Məclisdə kifayət qədər gənclərimiz var və DOST mərkəzində çalışan insanların demək olar ki, hamısı gənclərdir…Bu sözləri Prezident İlham Əliyev mayın 19-da Əmək və Əhalinin Sosial Müdafiəsi Nazirliyinin tabeliyində olan Dayanıqlı və Operativ Sosial Təminat Agentliyinin Bakının Nizami rayonunda yerləşən 3 saylı DOST mərkəzinin açılışında demişdir.

 Mingəçevir mədəniyyətin kreativ qrup üzvləri və gənc mədəniyyət könüllüləri olaraq, Bərdə Regional Mədəniyyət İdarəsi Mingəçevir şəhər Nümayəndəliyi, Mingəçevir Heydər Əliyev Mərkəzində hazırladığımız videoçarx ilə, Azərbaycanın birinci xanımı, vitse-prezidenti, Heydər Əliyev Fondunun prezidenti, YUNESCO və İSESKO-nun xoşməramlı səfiri, bir sıra xeyriyyə və mədəni təşkilatların sədri Mehriban Xanım Əliyevanın üzərinə düşən bütün vəzifələri şərəf və ləyaqətlə həyata keçirdiyi kimi, biz də öz növbəmizdə Azərbaycan gənclərinə  səslənərək, vətənə vicdan, şərəf və ləyaqətlə xidmət etməyi öz həyat şüarımıza çevirdik və bu şərəfli, sonu, xoşbəxtliyə aparan yolumuzdan heç vaxt dönməyəcəyik. Çünki bizim İlham Heydər oğlu kimi dünya şöhrətli Liderimiz var!

Eşq olsun Azərbaycan xalqına!

Yaşasın güclü Azərbaycan!

Mingəçevir mədəniyyətin kreativ qrup üzvləri və gənc mədəniyyət Könüllüləri