Azərbaycanın müdafiə naziri, general-polkovnik Zakir Həsənov Türkiyənin Kayseri şəhərində hərbi qulluqçuları daşıyan avtobusun partladılması nəticəsində həlak olan və yaralananlarla bağlı türkiyəli həmkarı Fikri İşıka və həmin ölkənin Baş Qərargah rəisi ordu generalı Hulusi Akara başsağlığı ünvanlayıb. Nazirliyin saytının məlumatına görə, başsağlığında bildirilir: “Qardaş Türkiyə Respublikasının Kayseri şəhərində baş vermiş xain terror aktı nəticəsində hərbi qulluqçuların və mülki şəxslərin həlak olması və xəsarət alması haqqında xəbər məni dərindən kədərləndirdi. Biz bu dəhşətli hadisədən çox hiddətlənir, terrorizmi qətiyyətlə pisləyirik. Terrora qarşı aparılan kəskin mübarizədə daima qardaş Türkiyə Silahlı Qüvvələrinin yanındayıq və var gücümüzlə dəstəkləyirik. Həlak olanlara rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm. Bütün yaralılara Tanrıdan şəfa diləyirəm. Allah rəhmət eləsin”.
Son xəbərlər
Bu gün 22 minə yaxın abituriyent III ixtisas qrupu üzrə qəbul...
21 may 2022-ci il tarixində Dövlət İmtahan Mərkəzi tərəfindən III ixtisas qrupu üzrə ali təhsil müəssisələrinə qəbul imtahanı keçirilir.
İmtahan Bakı, Naxçıvan, Gəncə, Şəmkir, Ağstafa,...