Təhsil şöbəsi Vətən müharibəsində iştirak edən təhsil işçilərini təltif edib

0
118

Bu gün Mingəçevir şəhər Təhsil şöbəsində pandemiya şəriatinə uyğun olaraq Azərbaycan Respublikası Silahlı Qüvvələri sıralarında Azərbaycan Respublikasının işğal edilmiş ərazilərinin azad olunması uğrunda – Vətən Müharibəsində iştirak edən Mingəçevir şəhər təhsil işçiləri ilə Şəhər Təhsil Şöbəsinin müdir səlahiyyətlərini icra edən Zamik Cəbiyev görüş keçirib.

Məlumat üçün bildiririk ki, Vətən müharibəsində Mingəçevir təhsil işçilərindən 4 nəfər Gənclərin Çağırışaqədərki Hazırlıq rəhbəri, 1 nəfər fizika müəllimi və 1 nəfər texniki işçi olmaqla ümumilikdə 6 nəfər iştirak edib. Onların hər biri tərxis edilərək sağ-salamat geri qayıdıb.

Vətən müharibəsində iştirak etmiş hər bir həmkarına təşəkkür edən Zamik Cəbiyev onlara   can sağlığı, uzun ömür və işlərində uğurlar arzulayıb. Mingəçevir ŞTŞ-nin rəhbərliyi tərəfindən Vətən müharibəsində iştirak etmiş təhsil işçiləri təltif edilib.

 

Esmira Hidayətova, Mingəçevir