“Qarabağ Azərbaycandır!”

0
79

Rahib Alpanlı
“Qarabağ Azərbaycandı!”
Addımların torpağından güc alır,
Bayrağımız zirvə-zirvə ucalır,
Ermənidən yer də, göy də öc alır,
Gözləmişik bu günləri haçandı,
Əsgərim, “Qarabağ Azərbaycandı!”

Vətən üçün sən hər şeyə hazırsan,
Düşmənin gözündə səngər qazırsan,
Həm tarix yaradıb, tarix yazırsan,
Gözləmişik bu günləri haçandı,
Əsgərim, “Qarabağ Azərbaycandı!”

Sovurduqca işğalçının qəsdini,
Qaçır qoyub bayrağını, postunu,
Tanıyırıq yurdumuzun dostunu,
Gözləmişik bu günləri haçandı,
Əsgərim, “Qarabağ Azərbaycandı!”

Arxanda dağ kimi durub el hamı,
Sönəcək yağının öləzik şamı,
Aləm alqışlayır şanlı İlhamı.
İnanmışıq bu qüdrətə haçandı,
Əsgərim, “Qarabağ Azərbaycandı!”

14. 10. 2020