Paralimpiyalarımız qızıl medalların sayını 3-ə çatdırdılar

31

Azərbaycanlı paracüdoçu Vüqar Şirinli Tokio-2020 16-cı Yay Paralimpiya Oyunlarında cüdo üzrə kişilər arasında 60 kiloqram çəki dərəcəsində qızıl medal qazanıb. O, finalda qazaxıstanlı paracüdoçu Anuar Sarıyevi məğlub edib.

Qeyd edək ki, bu gün həmçinin qadınlar arasında 48 kiloqram çəki dərəcəsində paracüdoçu Şahanə Hacıyeva və üzgüçü Raman Saleh 100 metr məsafəyə arxası üstə üzmə yarışında qızıl medal qazanıb.

Xatırladaq ki, bundan əvvəl azərbaycanlı pauerliftinqçi Pərvin Məmmədov bürünc medal qazanmışdı.

Qeyd edək ki, “Tokio-2020”də ölkəmizi idmanın 6 növündə 47 kateqoriya üzrə rekord sayda – 36 idmançı təmsil edəcək. Atletlərimizin 24-ü kişi və 12-si qadındır.

XVI Yay Paralimpiya Oyunları sentyabrın 5-dək davam edəcək.