Mingəçevir məktəblisi beynəlxalq müsabiqədə uğura imza atıb

0
149

Türkiyənin İzmir şəhərində “BUCA IMSEF Beynəlxalq Elm Müsabiqəsi”nin qaliblərinin onlayn mükafatlandırılması tədbiri keçirilib.

Beynəlxalq əhəmiyyətli elmi layihə müsabiqəsinə  qatılan dünyanın 24 ölkəsindən 74, Türkiyənin isə 27 şəhərindən 90 layihə sırasında final mərhələsinə vəsiqə qazanan Mingəçevir şəhəri Səməd Vurğun adına 16 nömrəli tam orta məktəbin şagirdi Raya Həsənli gümüş medala layiq görülüb. Məlumat üçün bildirək ki, Raya Həsənli “Tullantıdan möcüzəyə” adlı layihəsini AMEA akad. Ə.Quliyev adına Aşqarlar Kimyası İnstitutunda yerinə yetirmişdir. Onun elmi rəhbrləri institutun elmi işlər üzrə direktor müavini, kimya elmləri doktoru, dosent Əfsun Sucayev, elmi işçi Mirəli İsakov və Səməd Vurğun adına 16 nömrəli tam orta məktəbin direktoru Sevinc Həsənova olmuşdur. Layihənin mahiyyəti acı badamdan müalicəvi badam yağının alınması texnologiyasının yaradılmasından bəhs edirdi.

Onu da qeyd edək ki,“BUCA IMSEF” Beynəlxalq Elm Müsabiqəsinin final mərhələsi COVID-19 pandemiyası ilə əlaqədar “Zoom” platforması üzərindən onlayn formatda keçirilib.

Esmira Hidayətova, Mingəçevir