“İnter” ikinci təsnifat mərhələsinə vəsiqə qazandı

476

İyulun 10-da futbol üzrə Avropa Liqası yarışlarının ilkin təsnifat mərhələsinin cavab oyunları keçirilmişdir.
Turnir çərçivəsində Bakının “İnter” komandası Moldovanın “Tiraspol” kollektivi ilə qarşılaşmışdır.

“Şəfa” stadionunda keçirilən oyunun 6-cı dəqiqəsində “Tiraspol”un oyunçusu Ademar hesabı açmışdır. Görüşün 79-cu dəqiqəsində “İnter”in futbolçusu Arif Daşdəmirov hesabı bərabərləşdirmişdir. “Tiraspol”un oyunçusu Laşa Caparidzenin kobud oyunu nəticəsində təyin olunmuş penalti zərbəsini dəqiq yerinə yetirən Baçana Sxadadze Bakı komandasını hesabda önə çıxarmışdır. Görüşün 91-ci dəqiqəsində “İnter”in futbolçusu Hüseynpur hesab arasındakı fərqi artırmışdır. Kobud oyuna görə, Moldova təmsilçisinin iki futbolçusu qırmızı vərəqə alaraq oyundan kənarlaşdırılmışdır.
Beləliklə, görüş “İnter”in 3:1 hesablı qələbəsi ilə başa çatmışdır. Komandalar arasında Moldovada keçirilmiş ilk oyunda “İnter” 3:2 hesabı ilə qalib gəlmişdi. İki oyunun nəticəsinə görə, “İnter” Avropa Liqası yarışlarının ikinci təsnifat mərhələsinə vəsiqə qazanmışdır. Bakı təmsilçisi növbəti mərhələdə İsveçin “Elfsborq” kollektivi ilə qarşılaşacaqdır.