Güclü külək fəsadlar törədib

420

Avqustun 27-də gecə yağışla müşahidə olunan güclü külək Ağdam rayonunun yaşayış məntəqələrinə ziyan vurub.

Rayon fövqəladə hallar komissisiyasının sədri Zülfü Qasımov  bildirib ki, külək nəticəsində Çəmənli kəndində iki evin, İmamqulubəyli kəndində isə bir yardımçı binanın dam örtüyünə ziyan dəyib. Quzanlı qəsəbəsində və Çəmənli kəndində ağac elektrik xəttinin üstünə aşıb. Gecə rayonun bütün yaşayış məntəqələrinə elektrik enerjisinin verilişi kəsilib.

Görülən tədbirlər nəticəsində gecə rayonun 6 kəndindən başqa, bütün yaşayış məntəqələrində elektrik enerjisinin verilişi bərpa edilib. Hazırda yalnız İmamqulubəyli kəndinə elektrik enerjisi verilmir. Burada da dəymiş ziyanın aradan qaldırılması istiqamətində iş aparılır.

Ötən gecə yağışla müşahidə olunan güclü külək Bərdə və Tərtər rayonlarında da ağacları kökündən qopararaq elektrik naqillərinin üzərinə salıb.