Dünyanın ən zənginləri (1)

Ilə
admin
-
558
Hazırda dünyanın müxtəlif ölkələrində kifayət qədər zəngin insanlar var. Onlardan kimisi ağlının gücü, kimisi də qolunun gücü hesabına var-dövlət sahibi olub. Tanınmış zənginlərdən Stiv Cobs, Bill Qeyts, Ceyms Kameron, Mark Zukerberq, Leydi Qaqa kimi məşhurların adlarını çəkmək olar. Onların sahib olduqları sərvətin dəyəri 50-60 milyard dollar arasında dəyişir. Sizə təqdim edəcəyimiz siyahıda indiyə qədər dünyanın ən zəngin şəxsləri olmuş məşhurların adları sıralanıb.
Varren Buffet: Amerikalı iş adamı Varren Buffet dünyanın ən zəngin insanlarından hesab olunur. “Berkshire Hathway” investisiya şirkətinin sahibini həm də xeyrixah kimi tanınır. Məlumat üçün bildirək ki, Buffet 2012-ci ildən etibarən 64 milyard dollarlıq sərvətin sahibidir.Samuel Murrsell Valton: ABŞ-ın ən zəngin insanlarından hesab olunan Sam Valton “Walmart” mağazalara şəbəkəsinin qurucusu olub. 1992-ci ildə vəfat edən Valton 3 övladına 65 milyard dollarlıq miras qoyub. 10 ildən sonra isə bu məbləğ 100 milyarda qədər yüksəlib.Marşal Fild: “Marshall Field and Company”nin qurucusu olan Marşal 1906-cı ildə dünyasını dəyişib. O, həmin vaxta qədər 66 milyard dollarlıq sərvəti ilə dünyanın ən zənginləri sırasında olub.

Karlos Slim: Meksikada “Telmex” və “Amerika Movil” adlı telekommunikasiya şirkətlətlərinin sahibi olan Karlos Slim 68 milyard dolların sahibidir. O, 2010-cu ildən etibarən Latın Amerikasının ən böyük mobil operatoru hesab olunur.

Cey Quld: 1836-1892-ci illər arasında yaşayan və dəmiryolu kralı kimi tanınan Cey Quld dünyanın ən zənginləri sırasında olub. Öz dövründə “quldur baron” ləqəbi ilə tanınan Cey 71 milyard dollarlıq sərvətin sahibi olub.

Fredriç Ueyerhauser (Friedrich Weyerhauser): 19-cu əsrin sonu və 20-ci əsrin əvvəllərində yaşamış Fredriç Veyerhauser ilk sərvətini taxta-şalban sataraq qazanıb. Bu işdən qazandığı pullarla ərazilər alan Fredriç beləliklə ABŞ-ın ən böyük torpaq sahibinə çevrilib. O, 80 milyard dollarla dünyanın ən zənginləri arasında yer alıb.

Aleksandr Turney Stevard: 1823-cü ildə İrlandiyadan ABŞ-a gələn Stevard dünyanın ən böyük mağazalar şəbəkəsini qurub. Bununla yanaşı, məktubla alış-verişin ilk yaradıcısı olan Stevard 90 milyard dollarlıq sərvətin sahibi olub.

Stefan Qirard: Fransada doğulan dənizçi, eyni zamanda bank sahibi olan Stefan Qirard 1812-ci il müharibəsi zamanı ABŞ hökumətinə maddi dəstək verib. Onun bu cür addımı qarşılıqsız qalmır və müharibədən sonra 105 milyard dollarla ölkənin ən zəngin iş adamına çevrilib.

Con of Qraund: İngiltərə kralı III Eduardın oğlu Con of Qraund ölkədə naiblik vəzifəsini yerinə yetirib. Vəzifədə olduğu müddətdə ona bağışlanan ərazilərin hesabına 110 milyardlıq sərvətin sahibini olub.

Con Cakob Astor (1763-1848) : İşə kürk satmaqla başlayan Con Cakob Astor qısa müddətdə biznesini genişləndirməyi bacarıb. Kanadadan gətirib Nyu-Yorkda satdığı kürklər onun zənginliyə gedən yoluna çevrilib. Manxettandan aldığı ərazilər isə sərvətinə sərvət qatıb. Cakob 121 milyard dollarlıq mülkləri ilə həm dövrünün, həm də dünyanın ən zəngin insanlarından sayılır.
Bill Qeyts (1955) : “Microsoft” şirkətinin qurucularından olan Bill Qeyts 2009-cu ildə dünyanın ən zəngin insanı seçilib. İki nəfərlik şirkəti böyük bir proqram şirkətinə çevirən Qeyts 81,6 milyard dollarlıq sərvətin sahibidir.Kornelius Vanderbilt (1794 – 1877) : Amerikalı Kornelius Vanderbilt ölkənin mərkəzi və şərq hissəsinin dəmir yolunu inşa edib. İlk sərvətini dəmir yolu sənayesində qazanan Vanderbilt sözügedən sənayeyə investisiya qoymaqla bu məbləği daha da artırıb. O, 185 milyard dolların sahibi olub.

Henri Ford (1863-1947) : “Ford Motor” şirkətinin qurucusu olan Henri Ford xalqın orta təbəqəsinin də ala biləcəyi avtomobillər istehsal edib. O, həmçinin kütləvi istehsala cığır açan “hərəkət edə bilən lent texnikası”nı da ixtira edib. Henri Fordun 199 milyard dollarlıq sərvəti olub.

Muammər Qəddafi (1969-2011) : Liviyanın keçmiş prezidenti Muammər Qəddafinin 200 milyard dollarlıq gizli sərvətinin olduğu aşkar olunub. Onun bu qədər sərvət sahibi olduğunu göstərənə ən önəmli dəlillərdən biri 2003-cü ildə Səudiyyə Ərəbistanı şahzadəsi Əl Vəlid ibn Talaldan aldığı 120 milyon dollarlıq “Airbus A340” təyyarəsi olub.

Mir Osman Əli xan (1886-1967): Hindistan tərəfindən işğal olunana qədər Heydərabad knyazlığını idarə edən Mir Osman Əli xanın 100 milyon dollar dəyərində qızıl kolleksiyası olub. Bununla yanaşı, 400 milyon dollarlıq zinyət əşyaları da olan Əli xan ümumilikdə 236 milyard dollarlıq sərvət sahibi olub.

Çar II Nikolay (1894-1917) : Rusiya imperiyasının çarı II Nikolay Aleksandroviç Romanov 1917-ci ilə qədər ölkəni idarə edib. Hakimiyyətin son ilində 300 milyard dolların sahibi olan çar dünyanın ən zənginləri arasında yer alıb.

Endryu Karnegi (1835-1919): ABŞ-da polad sənayesinin öncülərindən olan Endryu Karnegi 1901-ci ildə “Carnegie” polad şirkətini “JP Morgan”a sataraq 310 milyard dollar əldə edib. Bundan sonra sərvətini xeyirli işlər üçün xərcləyib. Dünyasını dəyişəndə isə onun 30 milyon dolları olub.

 

Con Rokfeller: 1870-ci ildə “Standart Neft” şirkətini quran (”The Standart Oil Company”) Con Rokfeller ABŞ-da neft hasilatı ilə məşğul olan yeganə iş adamı olub. Dünyanın ən zəngin insanlarından olan Rokfeller 340 milyard dolların sahibi olub.
Rozçayld ailəsi: Soy kökü etibarilə alman yəhudisi olan Rozçayld ailəsi XVIII əsrdə Avropa bankçılıq xanədanlığını qurmağa başlayıblar. Ailə üzvlərindən olan Mayer Amşel Rozçayld 1744-cü ildə yaratdığı “Maliyyə evi” ilə bu xanədanlığın təməlini qoyub. Qeyd edək ki, ailənin sərvəti 350 milyard dollar dəyərində olub.

Mansa Musa: 13-14-cü əsrlərdə yaşamış Mansa Musa Qərbi Afrikada indiki Qana, Timbuktu və Mali torpaqlarını əhatə edən Mali imperiyasını idarə edib. Tarixin ən zəngin insanı olaraq tanınan Musa 400 milyard dollarlıq sərvətin sahibi olub.

MƏQALƏLƏRMÜƏLLIF DAHA ÇOX