Azərbaycanda teatrların sayı azalıb

398

10 il ərzində (2005-2015-ci illər) Azərbaycanda peşəkar teatrların sayı 30-dan 28-ə düşüb. “yeniavaz”  Dövlət Statistika Komitəsinin açıqladığı məlumatlara istinadən bildirir ki, Müstəqil Dövlətlər Birliyinə üzv olan region ölkələrinin heç birində bu cür azalma qeydə alınmayıb. 2005-2015-ci illər ərzində peşəkar teatrlarn sayı Belarusda dəyişməz qalıb. 2005-ci ildə olduğu kimi 2015-ci ildə də Belarusda 28 peşəkar teatr fəaliyyət göstərib. Ermənistanda isə teatrların sayında artım qeydə alınıb. 10 il əvvəl bu ölkədə 25 teatr fəaliyyət göstərdiyi halda 2015-ci ildə bu rəqəm 28 olub. Digət bir MDB ölkəsi Qazaxıstanda da teatrların sayı artıb. 10 il ərzində Qazaxıstanda teatrların sayı 51-dən 64-ə yüksəlib. Qırğızıstanda 2005-2015-ci illərdə 3 yeni teatr fəaliyyətə başlayıb. Belə ki, 2005-ci ildə bu ölkədə 17 teatr olduğu halda 2015-ci ildə onların sayı 20-yə çatıb. Moldovada peşəkar teatrların sayı 14-dən 16-ya, Rusiyada 601-dən 665-ə, Tacikistanda isə 15-də 17-yə yüksəlib.