Milli komandamız bu gün növbəti sınaq matçına çıxıb. Qurban Qurbanovun yetirmələrinin budəfəki rəqibi Makedoniya yığması olub.Martın 23-də Bakı Olimpiya Stadionunda Belarus qarşısında minimalhesablı məğlubiyyətə üzülən komandamız Makedoniya ilə Antalyada oynayıb.
Millinin “sükanı arxası”nda keçirdiyi ilk iki görüşdə qalibiyyət görməyən Qurbanov bu dəfə də qələbə qazana bilməyib. Görüş 1:1 hesablı bərabərliklə başa çatıb.
Maraqlıdı ki, indiyə qədər bu komanda ilə keçirilən 6 görüşün heç birində yığmamız qalib gələ bilməmişdi. Sözügedən seriya 7 oyuna çatıb. İlk dəfə 2000-ci ildə qarşılaşdığımız balkanlılar 5 qələbə qazanıb. Bir görüşdə isə heç-heçə qeydə alınıb. Top fərqi də rəqibin aşkar üstünlüyündən xəbər verir – 13:4. Bu matçlardan 4-ü yoxlama xarakterli olubsa, 2 dəfə dünya çempionatının seçmə mərhələsində qarşılaşmışıq. Məhz həmin iki oyundan biri (5 sentyabr 2001. Bakı – 1:1) bərabərliklə nəticələnib.
Yoldaşlıq görüşü
27 mart
Azərbaycan – Makedoniya – 1:1
Qollar: Almeyda, 6 (pen.) – Traykovski, 22 (pen.)
Baş hakim: Halis Özkahya
Köməkçi hakimlər: Kemal Yıldırım, Kerem Ersoy
Dördüncü hakim: Ali Palabıyık (hakimlər briqadası Türkiyədəndi)
Antalya. “Mardan” stadionu
Azərbaycan: 1. Kamran Ağayev (k), 2. Qara Qarayev, 5. Maksim Medvedev, 7. Araz Abdullayev, 9. Namik Ələsgərov, 13. Dmitriy Nazarov, 15. Ruslan Abışov, 19. Amil Yunanov, 20. Riçard Almeyda, 21. Tural Axundov, 24. Ürfan Abbasov
Ehtiyat oyunçular: 12. Rəşad Əzizli, 23. Səlahət Ağayev, 6. Rahil Məmmədov, 8. Emin Mahmudov, 10. Ruslan Qurbanov, 16. Rəşad Eyyubov, 17. Rəhman Hacıyev, 18. Coşqun Diniyev, 22. Şəhriyar Rəhimov, 25. Cavid İmamverdiyev, 28. Asif Məmmədov
Baş məşqçi: Qurban Qurbanov
Makedoniya: 1. Stole Dimitrievski, 13. Stefan Ristovski, 4. Kire Ristevski, 6. Visar Muslui, 14. Darko Velkovski, 16. Boban Nikov, 11. Enis Bardhi, 19. Maryan Radeski, 7. İvan Triçkovski, 9. Aleksandr Traykovski, 10. Qoran Pandev (k)
Ehtiyat oyunçular: 12. Deyan İliyev, 2. Kristian Toşevski, 3. Qoko Zaykov, 5. Ariyan Ademi, 8. Ezgyan Alioski, 20. Stefan Spirovski, 23. İliya Nestorovski
Baş məşqçi: İqor Angelovski
