“Qalatasaray” öz meydanında uduzdu

226

Martın 17-də futbol üzrə UEFA Avropa Liqasının səkkizdəbir final mərhələsinin cavab görüşlərinə start verilib.

Türkiyənin turnirdəki yeganə təmsilçisi “Qalatasaray” İspaniyanın “Barselona” klubunu qəbul edib. Qarşılaşma qonaqların 2:1 hesablı qələbəsi ilə yekunlaşıb. Matçda ilk qolu meydan sahibləri vurub. Görüşün 28-ci dəqiqəsində Markao künc zərbəsindən sonra başla topu qapıdan keçirib. Qarşılaşmanın 37-ci dəqiqəsində Pedri “Cim-Bom”un üç müdafiəçisini aldadaraq, hesabı bərabərləşdirib. Görüşdə son nöqtəni isə 50-ci dəqiqədə Pyer-Emerik Obameyanq qoyub. Kataloniyadakı ilk görüşdə qapılara qol vurulmadığından, bu nəticə “Barselona”nı dörddəbir finala aparıb.

Digər görüşlərin nəticələrinə əsasən, “Ayntraxt”, “Lion”, “Vest Hem”,  “Atalanta”, “Reyncers, “Braqa” 1/4 finala adlarını yazdırıb.

Qeyd edək ki,  Moskva “Spartak”ı Rusiyanın Ukraynaya hərbi müdaxiləsi ilə əlaqədar Avropa Liqasından kənarlaşdırıldığı üçün Almaniya “Leyptsiq”i 1/4 finala birbaşa vəsiqə qazanıb.

Avropa Liqası, 1/8 final mərhələsi

cavab oyunları

17 mart

21:45. “Qalatasaray” (Türkiyə) – “Barselona” (İspaniya) – 1:2 

Qollar: Markao, 28 (1:0), Pedri, 37 (1:1), Obameyanq, 49 (1:2)

İlk oyun – 0:0.

21:45. “Bayer” (Leverkuzen, Almaniya) – “Atalanta” (İtaliya) – 0:1

Qol: Broqa, 90+1

İlk oyun – 2:3.

21:45. “Monako” (Fransa) – “Braqa” (Portuqaliya) – 1:1

Qol: Ruiz, 19 (0:1), Disasi, 90 (1:1)

İlk oyun – 0:2.

21:45. “Srvena Zvezda” (Serbiya) – “Reyncers” (Şotlandiya) – 2:1

Qol: İvaniç, 10 (1:0), Kent, 56 (1:1), El Fardau Ben, 90+3 (2:1)

İlk oyun – 0:3.

00:00. “Vest Hem” (İngiltərə) – “Sevilya” (İspaniya) – 2:0

Qollar: Souçek, 39, Yarmolenko, 112

İlk oyun – 0:1.

00:00. “Ayntraxt” (Almaniya) – “Betis” (İspaniya) – 1:1

Qollar: İqlesias, 90 (0:1), Hintereqqer, 120+1 (1:1)

İlk oyun – 2:1.

00:00. Lion (Fransa) – “Portu” (Portuqaliya) – 1:1

Qollar: Dembele, 13 (1:0), Pepe, 27 (1:1)

İlk oyun – 1:0.