Naməlum gizli kosmik proqamlar

845

Əziz Mustafa
Elm və texnika inkişaf etdikcə kosmosun fəthi və bununla bağlı həyata keçirilən layihələr bəşəriyyətin gələcək inkişafı baxımından olduqca böyük önəm daşımağa başlayıb. Bu baxımdan kosmosa göndərilən hər hər bir peyk beynəlxalq aləmin diqqət mərkəzində olur. Xüsusiilə Mars planetinin öyrənilməsi və daha uzaq planetlərə göndərilən kosmik gəmilərin verdiyi hər məlumatın, belə demək mümkünsə sivilizasiyamızın inkişafı üçün böyük sıçrayışlara yol aça biləcəyi istisna edilimir. Lakin ötən əsrin 70-ci illərindən başlayaraq dünyanın aparıcı kosmos dövlətlərinin, o cümlədən ABŞ-ın kosmosla bağlı gizli proqramlara malik olduğu barədə çoxsaylı ehtimallar səsləndirilməkdədir. Guya bu proqramlar dünya ictimaiyyətindən olduqca gizlin saxlanılır.
“Alternativ-3” ajiotajı
1977-ci il, iyun ayının 20-də “Anqlia” TV kanalı kosmosda həyata keçirilən gizli kosmik proqramlarla bağlı “Alternativ 3” sənədli filmini nümayiş etdirdi. Bu filmdə on illər ərzində gizli şəkildə reallaşdırılan kosmik proqramlardan danışılırdı. Qeyd edilirdi ki, kosmik proqramlardan məqsəd Marsda baza yaradılmasıdır. “Alternativ 3” sənədli filmi tamaşaçılar arasında böyük əks-sədaya səbəb oldu. Filmlə bağlı “Anqlia”TV redaksiyasına tamaşaçılar tərəfindən o qədər zəng gəlirdi ki, son nəticədə televiziya rəhbərliyi bu filmin şou olduğunu elan etməyə məcbur oldu. Guya bu şou 1 aprel zarafatı idi və beynəlxalq gülüş günü efirə getməsi nəzərdə tutulmuşdu. Ancaq müəyyən səbəblərdən veriliş iyununn 20-də efirdə nümayiş edilmişdi. Lakin ox artıq yayından çıxmışdı və tamaşaçılar televiziya rəhbərliyinin təkzibinə inanmırdılar.
“Anqlia”TV -də nümayiş etdirilən “Alternativ3” sənədli filmindən sonra ABŞ və digər kosmos ölkələrinin yerətrafı orbitdə çox sayda gizli kosmik proqramlar həyata keçirdiyi barədə yüzlərlə, hətta minlərlə ehtimallar ortaya çıxıb. Bu ehtimalların hər birində az və ya çox dərəcədə həqiqət hiss edilməkdədir və məntiqi baxımdan onları təkzib etmək mümkün deyil. Eyni zamanda bu ehtimalların doğru olduğunu göstərə biləcək faktlar da olduqca azdır. Məntiqi baxımdan kosmosda həyata keçirilməsi daha çox ağlabatan hesab edilən gizli proqramlardan bəziləri ilə tanışlıq olduqca maraqlı görünür.
“Serpo” proqramı
2005-ci ildə İnternetdə “Dzeta Setki” sistemindəki “Serpo” planetində məskunlaşan yadplanetlilərlə əlaqə yaradan gizli proqramın həyata keçirildiyi barədə məlumatlar yayıldı. Viktor Martines adlı birisi iddia edirdi ki, ABŞ-ın yüksək dairələrində işləyən rəsmilərdən biri ona yadplanetlilərlə əlaqə qurulmasına xidmət edən gizli proqramın uğurla reallaşdırıldığını söyləyib. Guya həmin şəxs Rouzell ətrafında baş verən NUO-lara məxsus olan kosmik gəminin sağ qalan ekipaj üzvlərinin vasitəsiilə “Serpo” planetində məskunlaşan NUO sakinləri ilə əlaqə yaradıldığını bildirib. Belə ki, qəzada sağ qalan kosmik gəminin üzvləri onun təmiri üçün ABŞ Kosmik Tədqiqatlar Mərkəzindən (NASA) yardım ala biliblər. Onlar gəminin təmirindən sonra öz planetlərinə dönüblər. 1964-cü ildə yenidən geri qayıdan NUO-nun qəzaya uğramış gəmisinin ekipaj üzvləri ABŞ hökuməti ilə “Serpo” layihəsinin həyata keçirilməsi barədə razılığa gəliblər. Bu məqsədlə Silahlı Qüvvələrin 12 növünü təmsil edən və yüksək səviyyəli texniki biliklərə malik olan 12 mütəxəssis seçilib. Həmin mütəxəssislər 1965-ci ildə NUO gəmisində “Serpo” planetinə uçublar. Onlardan 8-i yalnız 13 ildən sonra geri qayıdıb, qalan 4 nəfərdən 2-si vəfat edib, ikisi isə “Serpo” planetində qalmağa üstünlük verib. Bununla bağlı gizli məlumatların sayı 3000 səhifədən artıqdır. Amma gizli layihənin nəticələri hələ də açıqlanmayıb və çox güman ki, açıqlanmayacaq. “Serpo” layihəsinin, həqiqətən də mövcud olmasına dair bəzi məlumatlar var. Ancaq, hələlik, gizli layihənin mövcudluğunu tam şəkildə sübut edəcək məlumatlar azdır. Bununla belə, hər il “Serpo” proqramı barədə mətbuata yeni məlumtlar sızdıırlır. Belə başa düşmək olar ki, bu məlumatlar çoxaldıqca “Serpo” layihəsinin varlığını sübut etmək asan olacaq. Hələliksə, “Serpo” proqramı ətrafında müəmmalar davam etməkdədir.
Günəş keşikçisi
Kainatın özbaşına olmadığı və Günəş sistemini mühafizə edən qüvvələrin olduğu barədə son illərdə bir çox elmi ehtimallar ortaya çıxıb. Bununla əlaqədar belə bir fikir vurğulanır ki, Günəş sisteminə daxil olan planetləri mühafizə edən xüsusi kosmik gəmilər donanması mövcuddur. Bu ehtimalın müəllifi, NASA-nın elmi məsləhətçisi doktor Erik Nortonun sözlərinə görə, texniki cəhətdən bizim ağlımıza belə gətirə bilmədiyimiz yüksək texnoloji imkanlara malik olan kosmik gəmilər donanmasının Ayın arxa hissəsində bazası var. Bu bazanın varlığı barədə Aya ilk ayaq basan ABŞ astronovatlarınin bir-biril ilə danışıqları sübut edir. Lakin sonra NASA tərəfindən bu danışıqların məğzi tamam fərqli şəkildə yozuldu. Ola bilsin ki, bundan məqsəd Ayda həyata keçirilən hansısa proqramın gizli saxlanılması olub.
“Horizont” layihəsi
ABŞ tərəfindən yerətrafı orbitdə həyata keçirilən gizli proqramların mövcud olması ehtimalının həqiqətəuyğun olduğunu son illərdə ortaya çıxan bəzi faktlar da təsdiq etməkdədir. Belə ki, 2014-cü ildə ABŞ Milli Təhlükəsizlik Arxivi “Horizont” layihəsi (“Project Horizon”) barədə bəzi gizli sənədləri mətbuatda dərc etdirdi. Həmin sənədlərə əsasən, 1959-cu ildə ABŞ-da Ayda baza hazırlanması barədə tədqiqatlara başlanılmışdı. Bundan məqsəd Aydan SSRİ-yə raket zərbələri endirmək idi. Plana əsasən, Aydakı bazadan SSRİ-nin tam nəzarət altında saxlanılması və lazım gələn anda ona qəfildən, gözlmədikləri yerdən zərbələr endirilməsi nəzərdə tutulmuşdu. Bu plana uyğun da olaraq, 1969 və 1972-ci illərdə Aya ABŞ astronavtları ayaq basdılar. Sonradan artıq Ayda gizli baza yaradılması məsələsi bir daha gündəmə gəlmədi. Belə hesab edilir ki, faktiki olaraq ABŞ Ayda hansısa gizli baza funksiyasını həyata keçirən texniki avadanlıqlar yerləşdirib və onun vasitəsilə şilə SSRİ-nin o dövrdə yerətrafı orbitə çıxardığı kosmik gəmiləri, həmçinin nüvə başlıqlı raket komplekslərini nəzarət altında saxlayıb. Düzdür, sonralar ABŞ astronavtları bir daha Aya ayaq basmadılar. Amma belə hesab edilir ki, Ayda yerləşdirilən texniki avadanlıqlar ötən əsrin sonuna kimi ABŞ-a SSRİ-nin və onun varisi olan Rusiyanı nəzarət altında saxlamağa imkan verib. Hazırda isə ABŞ-ın yerətrafı orbitdəki kosmik gəmiləri vasitəsi ilə Rusiyanın bütün strateji ərazilərini, o cümlədən hərbi bazalarını nəzarət altında saxladığı vurğulanır.
Yeri gəlmişkən, onu da deyək ki, hələ ötən əsrin 70-ci illərində SSRİ-də ABŞ-ın Ayda gizli hərbi bazaya malik olması barədə məlumatlar var idi. O vaxt NASA-nın yuxarı dairələrinə öz casuslarını yerləşdirməyə nail olan SSRİ ABŞ-ın aydakı gizli missiyasından xəbər tuta bilmişdi. Lakin NASA-dakı SSRİ casuslarının əli bu gizli layihələrə çatmadı və onlar həmin sənədləri ələ keçirərək Moskvadakı şeflərinə ötürə bilmədilər. Həmin dövrdə ABŞ-ın kosmosda müharibə planını işə salması və bununla bağlı milyardlarla dollar xərcləməsi Kremlin gözünü əməlli-başlı qorxutmuşdu. Çünki SSRİ-nin yerətrafı orbitdə ABŞ-la kosmik müharibələrə başlamaq imkanı yox idi. Kosmik müharibələrə qarşı SSRİ tərəfindən ayrılan xərclər isə ölkənin iqtisadi baxımdan çökməsinə və dağılmasına gətirib çıxardı. ABŞ-a qarşı SSRİ-nin gücsüz olduğunu dərk edən Mixail Qorbaçov hakimiyyətə gəldiyi ilk günlərdən imperiyanı qoruyub saxlamaq üçün Qərblə sövdələşməyə getmək yolunu nümayiş etdirdi. Bu məqsədlə də Qorbaçov Şərqi Avropadakı sosializm ölkələrini Qərbə qurban verməklə SSRİ-nin varlığını qoruyub saxlamağa çalışırdı. Lakin Qorbaçovun sosializm bloku ölkələrini Qərbə qurban verməsi də SSRİ-nin dağılması prosesinin qarşısını ala bilməsdi. Nəticədə, belə demək mümkünsə məhz kosmosda həyata keçirilən gizli layihələr ABŞ-ın SSRİ üzərindəki üstünlüyünü təmin etdi. Bu da, öz növbəsində, “soyuq müharibə”nin Qərbin xeyrinə başa çatmasına səbəb oldu və SSRİ adlı imperiya dünyanın siyasi səhnəsindən silindi. Onun yerində isə yeni müstəqil dövlətlər əmələ gəldi.

SSRİ-nin dağılmasına səbəb olan ulduz müharibələri ssenarisinin də əsasında məhz kosmik məkanda ABŞ tərəfindən həyata keçirilən gizli proqramlar idi. Bu proqramların olması çox güman ki, həmin dövrdə SSRİ rəhbərliyinə məlum idi. Çünki “soyuq müharibə” dövrünün ən ağır vaxtlarında belə, Qərbə meydan oxuyan SSRİ rəhbərliyi məhz ötən ilin 80-ci illərinin ortalarından başlayaraq, Qərblə mübarizədə öz acizliyini dərk edərək və özünün varlığını qoruyub saxlamaq yolunu seçməyə məcbur oldu. Bütün hallarda məhz kosmosun müharibə meydanına çevrilməsini nəzərdə tutan gizli kosmik proqramlar və bu məqsədlə xərclənən milyardlar SSRİ-nin sonunu gətirib çıxardı.
“Rozett” sui-qəsd planı
2014-cü ilin sonlarında Avropa Kosmik Agentliyi (AKA) tərəfindən yerətrafı orbitə göndərilən “Rozetta” zondu “67P/Çuryumov- Gerasimenko” kometinə endi. Bununla da Avropa Kosmik Agentliyi 67P/Çuryumov- Gerasimenko kometinin öyrənilməsi üçün böyük imkanlar əldə etdi. Həmin vaxt AKA məlumat vermişdi ki, tezliklə kometdəki faydalı qazıntıların işlənilməsinə başlanılacaq və bu məqsədlə orada avtomatik şəkildə istehsalı qaydaya salan mini zavod quraşdırılacaq. Amma sonra nədənsə “67P/Çuryumov- Gerasimenko” kometinin öyrənilməsi və bununla bağlı zondun göndərdiyi məlumatlar barədə susmağa başladı. Üstündən il yarımdan artıq vaxt keçməsinə baxmayaraq, AKA kometdə aparılan tədqiqat işləri ilə bağlı susmaqda davam edir. Bəs kometin səthinə enən və onu tədqiq edən zondun taleyi necə oldu? AKA inadla zondun taleyi və kometdən göndərilən məlumatlarla bağlı susmaqda davam edir. Halbuki AKA orada faydalı qazıntıların işlənməsi üçün mini-zavod quraşdırmaq niyyətində idi. AKA-nın məsələ ilə bağlı susması isə çoxsaylı ehtimalların ortaya çıxmasına səbəb olub. Belə ehtimal edilir ki, zondun endiyi “67P/Çuryumov- Gerasimenko” kometi əslində kainatı nəzarət altında saxlayan yadplanetlilərin kosmik məkandakı gəmi bazalarından biri olub. Bununla bağlı Qərb mətbuatında gedən çoxsaylı yazılarla bağlı isə AKA susmaqda davam edir. Çünki həmin yazıları təkzib etməklə AKA yalan danışaraq, özünü pis vəziyyətdə qoymaq istəmir. AKA bu yazıları təsdiq edəcəyi təqdirdə isə, kosmik məkanda həyata keçirdiyi hansısa sirrin üstünü açmış olacaq. Bu isə indiki məqamda beynəlxalq aləmdə çaşqınlığa, hansısa xoşagəlməz ajiotajlara yol aça, son nəticədə hadisələrin gözlənilməz istiqamətdə inkişaf etməsinə gətirib çıxara bilər…
Yenə də aydın məsələdir ki, AKA 10 il müddətinə nəzərdə tutulmuş tədqiqat layihəsinə milyardlarla dolları boş yerə xərcləməzdi. Xatırladaq ki, “67P/Çuryumov- Gerasimenko” kometindən kosmik siqnalların daxil olması hələ 20 il bundan əvvəl məlum idi. Bu baxımdan şübhəsiz ki, AKA-nın adı çəkilən kometə və ya iddia edildiyi kimi, yadplanetlilərin bazasına zond göndərməsi və buna milyardlarla dollar xərcləməsi boş-boşuna ola bilməzdi. Hər halda, gün gələcək ki, “67P/Çuryumov- Gerasimenko” kometi ətrafındakı sirrin müəyyən dövrdən ictimaiyyətə açıqlanacağı şübhə doğurmur.
Marsa teleportasiya
Günümüzdə daha çox diqqət mərkəzində olan Mars planetinin öyrənilməsi və kosmik aparatlar tərəfindən oradan göndərilən və çoxsaylı müzakirələrə səbəb olan şəkillərdir. Bu şəkillərin hər birində çoxsaylı sirlər gizlənir və onlar tədqiqatçılar tərəfindən fərqli prizmalardan izah edilir. Lakin son illərdə NASA-nın Yerətrafı orbitdə, xüsusən də Marsda həyata keçirdiyi gizli kosmik proqramlarla bağlı digər bir ehtimal da gündəmə gəlib. Bu da üzərində təcrübə keçirilən müəyyən qrup insanların guya Marsa teleportasiyası ilə bağlıdır. Qeyd edək ki, əşyaların bir nöqtədən minlərlə kilometr uzaqlara teleportasiyası ilə bağlı son illərdə çoxsaylı tədqiqat işlərinə baş vurulub. Tədqiqatçı alimlər-Maykl Relfi və Endryu Basyaqonun mətbuata verdikləri açıqlamalara görə, NASA yadplanetlilərlə əlaqə əsasında canlıların minlərlə kilometr uzaqlara teleportasiyasını sınaqdan çıxarıb və bu, qismən uğurlu alınıb. Relfinin iddialarına inansaq, ABŞ Mərkəzi Kəşfiyyat İdarəsi 1976-cı ildə Marsa bir qrup adamın teleportasiyasına anil olub. Guya məhz bu adamların vasitəsilə ABŞ tədricən Marsın koloniyasına çevrilməsini həyata keçirməkdədir. Relfi deyir ki, sonradan təcrübə obyekti olan adamların yaddaşları silinib. Relfi teleportasiya məqsədi ilə savadlı, yüksək intellekt sahibi olacaqlarını nümayiş etdirən məktəblilərdən də təcrübə zamanı istifadə edildiyini söyləyib.
Tədqiqatçı alim Basyaqo da təsdiq edib ki, təcrübə zamanı teleportasiya tədqiqatına cəlb edilən adamların bəziləri ağıllarını itirərək dəli olublar. Basyaqonun sözlərinə görə, ABŞ Marsı öz koloniyasına çevirmək yolu ilə dünya üzərində və kosmik məkanda özünü supergücə çevirmək niyyətindədir. Bundan əlavə, vaxtilə Marsda baş verən hansısa dağıdıcı proseslər nəticəsində oradakı insanların Yerə köç edərək oranı məskunlaşdırması barədə dünya xalqlarının, demək olar, hamısnda əksini tapan əfsanələrə inansaq, onda qırmızı planetdə baş verənlərin öyrənilməsi ABŞ-a texniki baxımdan yeni sıçrayışlara nail olmağa imkan verə bilər. ABŞ-ın ötən əsrin 70-ci illərindən başlayaraq, Marsın tədqiq üçün yüz milyardlarla dollar xərcləməsinin də arxasında məhz bu niyyətlərin dayana biləcəyi istisna edilmir.
Yupiterə səyahət
NASA tərəfindən insanların bir nöqtədən digərinə teleportasiyası ilə bağlı aparılan tədqiqatların Yupiter planetinə münasibətdə də davam etdirildiyi də ehtimal edilməkdədir. Yenə də belə bir fikir vurğulanır ki, NASA tərəfindən Yupiterə teleportasiya imkanlarını öyrənmək üçün Stenford Universiteti alimlərinin iştirakı ilə xüsusi eksperiment keçirilib. Eksperimentdə iştirak edənlərdən biri İnqo Svan adlı şəxsin astroloji bədəni vasitəsilə kosmosa səyahətə çıxdığı və Yupiterin yanından keçərkən onun ətrafında qəribə dairəni gördüyü iddia edilir. Hələ on illər bundan əvvəl Yupiterin ətrafında naməlum dairənin olduğu barədə çoxsaylı məlumatlar yayılmışdı. Amma bu məlumatlar teleskoplar və ya kosmik gəmilər vasitəsi ilə alınmadığından Yupiter ətrafındakı dairənin necə müəyyən edildiyi barədə susmağa üstünlük verirdilər. Yalnız illər sonra NASA tərəfindən Yupiterə göndərilən “Pioneer10” peyki vasitəsilə Yupiterin ətrafında dairənin olduğunu təsdiq edildi. Bundan sonra alimlər Yupiter ətrafındakı dairənin varlığına inanmış oldular.
“Apollon 20”nin gizli missiyası
NASA tərəfindən çoxsaylı gizli kosmik layihələrin həyata keçirildiyi barədə digər bir məlumat 2007-ci ildə “You Tube”də canlı şəkildə yayımlandı. Bu videogörüntüdə 1976-cı ildə “Apollon 20”nin Aya gizli missiyaya çıxdığı əksini tapıb. Videogörüntünün müəllifi Uilyam Rutlecin iddiasına görə, “Apollon 20”nin Aya gizli missiyası zamanı orada yadplanetlilərin qədim bazası aşkar edilib. Bazada anabioz vəziyyətdə tapılan qadın humanoid NASA-nın gizli mərkəzinə gətirilib. Rutlecin idiasına görə, qadın humanoidin boyu 1metr 70 santimetr, çəkisi isə 75 kiloqram olub. Rutlecin bu iddiasına isə bu günə kimi NASA tərəfindən reaksiya verilməyib. Belə güman edilir ki, NASA Rutlecin iddiasını təkzib və ya təsdiq etməklə özünü pis vəziyyətdə qoymaq istəmir.
Amma Rutlecin qeyd etdiyi kimi, “Apollon 20”nin Aya gizli missiyası məsələsi öz təsdiqini tapıb. Lakin NASA israrla “Apollon 20”nin gizli missiyası barədə susmaqda davam edir. Bütün hallarda yaxın onilliklərdə elmi-texniki tərəqqinin inkişafı nəticəsində əşyaların və ya canlıların bir nöqtədən minlərlə kilometr uzaqlara teleportasiyasının reallaşacağı istisna edilmir. Xatırladaq ki, təxminən 70-80 il əvvəl dünyanın hansısa yerində baş verən hadisələri minlərlə kilometr uzaqlarda canlı şəkildə izləmək ağlasığmaz hesab edilirdi. Amma bu görüntülərin, necə deyərlər, dünyanın bir başından o biri başına işıq sürəti ilə ötürülməsinə nail olunması elmi-texniki tərəqqidə yeni sıçrayışa yol açdı və əfsanə gerkəkləşdi. Günümüzdə də bizə qeyri-real görünən əşyaların və ya canlıların elmi-texniki tərəqqi nəticəsində bir nöqtədən digərinə teleportasiya edilməsinə nail olunacağı şübhə doğurmur. Xatırladaq ki, qədimlərdə mövcud olan əfsanəvi Atlantida ilə bağlı məlumatlarda insanların yüksək inkişafa malik olduqları, bir planetdən digərinə uçub getməyi bacardıqları vurğulanır. Kim bilir, bəlkə gələcəkdə Yer kürəsində də belə yüksək inkişafa nail olunacaq…