UEFA finala gələn azarkeş sayını açıqladı

0
26

Avropa Liqasının mayın 29-da Bakıda keçirilən final oyununu stadiondan izləyən azarkeşlərin sayı açıqlanıb.

UEFA-nın saytında yer alan məlumata əsasən, “Çelsi” – “Arsenal” matçının (4:1) oynanıldığı Bakı Olimpiya Stadionuna 51370 nəfər tamaşaçı toplaşıb. 

Qeyd edilib ki, bu, son 10 ildə Avroliqa finallarında azarkeş sayına görə ən yaxşı üçüncü göstəricidir. İlk iki yerdə isə müvafiq olaraq, ötən il Lionda keçirilən “Marsel” – “Atletiko” (0:3, 55768 tamaşaçı) və 2012-ci ildə Buxarestdə olan “Atletiko” – “Atletik” (3:0, 52347 tamaşaçı) finalları qərarlaşıb. 

Qeyd edək ki, BOS-un azarkeş tutumu 68700 nəfərdir.