“D” qrupunda mübarizə başa çatdı 

0
349
Braziliyada keçirilən futbol üzrə XX dünya çempionatının “D” qrupunda mübarizə başa çatıb. İyunun 24-də Natal şəhərindəki “Dunas” stadionunda İtaliya və Uruqvay yığmaları qarşılaşıblar.

Meksikalı baş hakim Marko Rodrigezin idarə etdiyi görüşdə Uruqvay komandası İtaliya millisini 1:0 hesabı ilə məğlub edib.
Oyunda yeganə qolu cənubi amerikalıların heyətində 83-cü dəqiqədə D.Qodin vurub. Görüşün 60-cı dəqiqəsində isə İtaliya millisinin heyətində Marçisio qırmızı vərəqə alıb.
Belo Horizonte şəhərindəki “Mineyro” stadionunda keçirilən görüşdə isə Kosta-Rika və İngiltərə yığmaları görüşüblər.
Əlcəzairli baş hakim Camel Haymudi idarə etdiyi və qarşılıqlı hücumlar şəraitində keçən görüşdə hesab açılmayıb.
Beləliklə, Kosta-Rika “D” qrupunda keçirdiyi üç matçın ikisində qalib gələrək və bir oyunda heç-heçə etməklə səkkizdəbir finala vəsiqəni 7 xalla təmin edib. Altı xalla qrup mərhələsini ikinci sırada tamamlayan Uruqvay yığması da səkkizdəbir finalda mübarizəni davam etdirəcəkdir. İtaliya yığması üçüncü, İngiltərə millisi isə qrupu axırıncı pillədə başa vurub.

BIR CAVAB BURAXIN

Please enter your comment!
Please enter your name here